Në qytetin e Vlorës janë rikthyer përplasjet mes bandave. Gjatë ditës së djeshme objektiv i atentatit ishte 41- vjeçari Mikel Mehmeti, i cili u qëllua dhjetra herë drejt makinës së tij teksa lëvizte në lagjen Pavarësia.

Mësohet se kanë qenë dy persona që kanë qëlluar makinën me të cilën lëvizte Mikel Mehmeti. Nga të shtënat me pistoletë 31-vjeçari është plagosur rëndë pasi ka marrë 3 plumba në gjoks, mushkëri dhe në bark.

Në atentat mësohet se kanë marrë pjesë 3 persona, ndërsa makina me të cilën janë larguar nga vendngjarja është gjetur e djegur, kilometra më tutje nga vendi i ngjarjes.

Mikel Mehmeti nuk është një emër i panjohur për Policinë e Vlorës, pasi ai njihej si mik i familjes Llanaj. Gjithashtu Mikel Mehmeti është i përfshirë në Masakrën e Çoles pak vite më parë ku humbën jetën 3 persona. Mikel Mehmeti njihej edhe si mik i Edison Harizajt të vrarë pak kohë më parë në Durrës.

Lagja Pavarësia ku ndodhi atentati njihet si “Rruga e vrasjeve” për shkak se ka ndodhur disa vrasje e plagosje. Pak muaj më parë në këtë zonë Vasil Devishaj në të njëjtën zonë.

Pas operacioneve që iu kryen në spitalin e Vlorës, Mehmeti është nisur drejt spitalit të Traumës në kryeqytet, ndërsa nuk e ka kaluar ende rrezikun për jetën./faxnews