Forma e dobët e Milanit këtë sezon, ka bërë që drejtuesit të mendojnë menjëherë për merkaton e verës dhe kërkojnë të afrojnë futbollistë cilësorë për të shmangur më të keqen këtë sezon. Sulmi i kuqezinjve shënon pak ndërsa mbrojtja pëson shumë e këtë e ka treguar ndeshja e fundit, ku u mund me rezultatin 5-0. Drejtuesi e klubit kanë nisur të punojnë për të afruar në skuadër një mbrojtës dhe “Gazzetta dello Sport” raporton se klubi i Milanit ka arritur akordin me klubin e Barcelonës për të transferuar futbollistin Zhan Kleir Todibo në “San Siro”.
Hapësirat e pakta në formacionin blaugrana, kanë bërë që Todibo të mendojë largimin nga “Camp Nou”. Në këtë mënyrë, klubi ka nisur nga puna për të bindur futbollistin që të transferohet në Milano. Deri më tani, flitet për sinjale pozitive dhe me shumë gjasa, këto ditë do të kalojë futbollisti në “San Siro” dhe stërvitjen e parë për vitin tjetër do ta zhvillojë me fanellën kuqezi.
