Një 28 vjeçar u gjobit me 17 mijë dollarë pasi hodhi një monedhë fati në njërin prej motorave të avionit përpara nisjes.
Fluturimi u anulua nga kompania pasi gjeti monedhën afër motorit, duke kërkuar kështu dhe një inspektim më të hollësishëm. 28 vjeçari me origjinë kineze pranoi se ishte ai që e hodhi monedhën për fat të mirë pasi ishte hera e parë që fluturonte me avion.
Ai doli përpara gjykatës në korrik por çështja e tij u bë publike ditën e sotme (3 janar). Nuk është hera e parë që persona supersticiozë hedhin monedha për fat të mbarë ndaj 28 vjeçari deklaroi se kompania e udhëtimit duhet që t’i paralajmërojë njerëzit për rregulla të tilla.
