Sipas shkencëtarëve, por jo vetëm, dhe sipas mjekëve gratë janë një forcë madhe në shoqëri dhe ato duhet të kenë mjaftueshëm kujdes për shëndetin e tyre. Mjekët mendojnë se gratë duhet të marrin shumë orë gjumë, dhe kjo bazuar në shumë studime të kryera nga shkencëtarë të njohur.
Si është rutina e ditës së një femre?
Ato zgjohen herët, shkojnë në punë dhe më pas nuk lumturohen se mbaruan punën e tyre, por kthehen në shtëpi dhe vijojnë sërish rutinën e përditshme me punët e shtëpisë, kujdesin familjar dhe shumë gjera që janë “barrë” e një femre.
Një studim i fundit i kryer në Angli i drejtohet femrave duke i paralajmëruar të flenë sa më shumë dhe të kujdesen sa më shumë për shëndetin e tyre.
“Gratë kanë një rritëm më të shpejtë se burrat. Ato nuk ndalen kurrë dhe kështu shpenzojnë pak orë gjumë. Ndaj dhe kur vjen puna ato përjetojnë nivele të larta të st resit, apo kanë pro bleme më të shpeshta nervore dhe jo më kot shumica e tyre japin shenja dep resioni”, citon studimi.
Mjekët thonë se një trup i shëndetshëm duhet të flejë të paktën 8 orë. Kjo është një shifër e mjaftueshme për meshkujt që konsumojnë ndonjëherë edhe më shumë gjumë, por nuk ndodh tek femrat të cilat ndjejnë më shumë përgjegjësi dhe heqin dorë nga një pjesë e madhe e gjumit.
“Truri i femrave nuk është njësoj si i meshkujve, pra e thënë më qartë është mjaft kompleks dhe si rrjedhojë nuk i mjafton 8 orë gjumë. Për të qenë e shëndetshme dhe e qetë, një femër, duket të flejë më shumë orë”, vijon studimi.
Truri i femrave punon më shumë
Duke e përmendur edhe njëherë faktin se gratë bëjnë më shumë aktivitet dhe marrin pjesë në shumë punë në të njëjtën kohë, ato shpenzojnë më shumë aktivitet truri dhe si rrjedhojë, ky i fundit nis të konsumohet.
Por, siç thotë edhe studimi, konsumimi i shpejtë i trurit nuk është një shenjë e mirë pasi rikuperimi i tij kërkon shumë kohë, ndaj dhe shkencëtarët i drejtohen grave për të fjetur më shumë orë për të rikuperuar sa më shumë qeliza të trurit që konsumohen gjatë ditës.
“Gratë marrin pjesë në mbledhje, në organizime detyrash, në projekte, por edhe në punë të vës htira, plus ato duhet të bëjnë rolin e gruas së shtëpisë apo edhe nënës”.
“Ndaj dhe është shumë e këshillueshme që ato të flenë më shumë për të qëndruar për një kohë të gjatë sa më shumë të shëndetshme”, është fjala e fundit e studimit të kryer në Angli.
