Dy persona janë kapur sot nga policia për ngjarjen e ndodhur në fundjavë, ay ku humbi jetën një 42-vjecar grek që u rrah brutalisht nga të rinjtë.
Të dy të ndaluarit sipas raportimeve, janë shqiptarë, por njëri ka nënshtetësi greke. Dimitris Kordas u drrah nga një grup prej pesë shqiptarësh të dielën në një lokal nate “Sante Rock Bar”.
Sipas asaj që raportojnë mediat në vend, nga dëshmia e dhënë në polici, gjithçka ka nisur për motive banale. Si duket, ndërsa shkonte në tualet, 42-vjeçari ka prekur një prej tyre dhe i “ka parë egër”.
Dhe më pas, pasi dolën nga lokali, ata e pritën kur ai doli me të dashurën e tij, dhe e rrahën aq shumë sa nuk arriti dot të mbijetonte disa orë pas ngjarjes.
Dy të rinjtë që janë kapur nga policia janë pikërisht ata që kanë goditur 42-vjeçarin, ndërsa pjesa tjetër e grupit nuk është përfshirë drejtpërdrejt në rrahjen e tij, megjithatë ata janë identifikuar dhe janë në kërkim nga policia.
Tashmë, autoritetet do të përpiqen që të zbulojnë se cili nga dy të arrestuarit ka qenë ai që e goditi Kordas në kokë me dorezë hekuri duke i shkaktuar humbjen e jetës.
