Ndërron jetë ikona e sportit Korçar Veteran Topçiu. Ai pësoi arrest kardiak dhe pak momente më parë gjatë mbrëmjes së sotme ka ndërruar jetë në spitalin e qytetit të Korçës.
I lindur në Panarit të qytetit të Korçës, Topçiu mësohet se është ndarë nga jeta në moshën 80-vjeçare, i datëlindjes 1943.
Ishte takimi në “Fjalën e ke ti” dhe duke diskutuar në mes të sallës Veteran Topçiu ka pësuar një arrest kardiak. Fatkeqësisht edhe pse menjëherë u transportua në spitalin e qytetit të Korçës, Veterani nuk ia doli.
Ka qenë kujdesi edhe i kryetarit të Bashkisë, Sotiraq Filo, i cili e ka shoqëruar Topçiun deri në spital, por mjekët nuk mundën të bënin më shumë për këtë “ikonë” të futbollit.
