Categories Kulture

Nga cikli ”Profil Artisti”\Sabri Behramaj, Skulptori mitrovicar artisti i madh

Nga cikli ”Profil Artisti”

SABRI BEHRAMAJ – SKULPTORI QË I KA ARDHUR KOMBIT

Mbresa nga vizita në studion e skulptorit mitrovicar, Sabri Behramaj

Për herë të parë e kam takuar në Vlorë, aty nga shtatori i vitit 2020 kur falë lidhjes e koordinimit me drejtorin e Muzeut Kombëtar Pavarësia të Vlorës, Istref Dobi, do ti dhuronte këtij të fundit një bust në bronx të Isa Boletinit, këtij burri të madh të çështjes kombëtare e pavarësisë.

Në faqen time në rjetin social atë kohë do të shkruaja:

“Me skulptorin Sadri Behramaj u takuam pranë Muzeut Kombëtar të Pavarësisë me rastin e prurjes prej vendlindjes, Mitrovicës, të Isa Boletinit, veç këtë herë, gati 108 vjet më pas, jo në ballë të kavalerisë me luftëtarë por i derdhur në bronx.

Duket se skulptori e ka prurë si të gjallë Bacën Isë, shëmbëlltyrën e trimërisë, burrërisë, besës e qëndresës shqiptare.

Bashkë me një grup miqsh nga Mitrovica, me Artan Osmanin e të tjerë djem të ardhur enkas, ata i dhuruan Muzeut të Pavarësisë bustin e bronxtë të një prej figurave legjendare të Kosovës i cili i ndenji në krahë me gjithë madhështinë e tij, babait të Kombit, plakut të urtë të Pavarësisë, Ismail Qemali.

Një gjest simbolik dashurie e atdhedashurie që ja vlen të mbahet shënim”. ( marrë nga statusi im në fb. 28.IX.2020)

Më pas do ta takoja përsëri në Vlorë, këtë herë në vendosjen e shtatores të një tjetër figure të ndritur të historisë tonë kombëtare, ideologut të madh të çështjes kombëtare, Hasan Prishtinës.

Një punë tjetër sa me karakter historik po ashtu edhe e një niveli të lartë artistik do ti binte ky artist i ri Vlorës së historisë e pavarësisë në kuadrin e 110 vjetorit të pavarësisë…

Përpara pak ditësh, më saktë dy ditë më parë do ta takoja skulptorin në studion e tij, gjendur diku në një nga skajet veripërëndimore të qytetit të Mitrovicës.

Më befasoi gjithëshka munda të shikoj nga afër me sytë e mi.

Lloj–lloj portretesh, shumë prej tyre kopje bocetesh, origjinalet të derdhura në bronx e të vendosura jo vetëm në teritorin e Kosovës por edhe jashtë saj.

Në punë e sipër e gjetëm, po i jepte dorën e fundit figurës muzeale “Muza”, e lartë 3 metra, fituar nga një konkurs i ministrisë së Kulturës për tu vendosur në një nga sheshet e qytetit të Mitrovicës. Një punë artistike vërtet prej mjeshtri, me mendje e duar.

Por për Sabri Berhamaj duket se tema e luftës e patriotizmit e ka mbërthyer të tërin. Gjithandej koka e buste të figurave të ndritura kombëtare por edhe ato të Luftës Çlirimtare të Kosovës,

Këtu duket se janë mbledhur bashkë e “kuvendojnë” që nga Skënderbeu, Is Boletini, Hasan Prishtina, Adem Jashari, Fehmi e Xhevë Lladrovci, dinastia Meha e të tjera figura të historisë e trimërisë shqiptare.

Nuk janë pak mbi njëzetë monumente e shtatore të realizuara dedikuar heronjve e luftëtarëve vendosur në hapësira publike, sheshe, oborre shkollash e deri në institucionet universitare të Kosovës.

Po as mbi njëzetë buste e shtatëdhjetë bazorelieve të heronjve e dëshmorëve nuk janë pak.

Të gjitha këto të realizuara nga një djalosh vetëm dyzetë vjeçar dhe që pas mbarimit të studimeve në degën e skulpturës të universitetit të Prishtinës ende nuk I janë bërë pesëmbëdhjetë vite.

Por Sabriu nuk është vetëm një skulptor i talentuar, piktura është një tjetër dimension artistik i tij.

Pjesëmarrës në mbi 30 simpoziume kombëtare e ndërkombëtare arti brenda e jashtë vendi, pjesëmarrës në dhjetra ekspozita, dhjetra shpërblime e mirënjohje në ekspozita dhe aktivitete të ndryshme të fituara.

“Mirënjohjen” e qytetit të Vlorës, siç na thotë, e vlerëson mbi të gjitha.

Por jo vetëm Vlora të gjithë krenohen me punën dhe krijimet e këtij mitrovicari me rrënjë nga viset e Drenicës.

Punët krijuese të Sabri Berhamaj tregojnë se jo thjesht e vetëm Mitrovicës e Kosovës por edhe vetë Kombit një artist i madh, një skulptor nga ata që të kujtojnë të mëdhenjtë e shkuar me gjurmë të mëdha në historinë e skulpturës shqiptare i ka ardhur.Nga Sejmen Gjokoli

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Kulture

Fest Folk 2024 “Sofra Konispolate”, nata e dytë me dhjetra grupe artistike nga Konispoli, Saranda, Delvina, si dhe nga mbarë Shqipëria dhe Kosova

Për dy netë radhazi, me nismën e bashkisë së Konispolit dhe mbështetjen e Këshillit të…

LEXO ME SHUME
Categories Kulture

Në Pallatin e Kulturës “Labëria”, u zhvillua faza finale e festivalit “Gurra Folk Fest”, edicioni i VI

Për të gjashtin vit radhazi, Drejtoria Rajonale e Trashëgimisë Kulturore Vlorë, në koordinim me Drejtorinë…

LEXO ME SHUME
Categories Kulture

Përkujtohet Kuvendi i Besës në Senicë

Në fshatin Senicë, të njohur si “ballkon” i krahinës së Rrëzomës, 254 vite më parë…

LEXO ME SHUME
Categories Kulture

Këngëtari grek u kërkon falje shqiptarëve: Faleminderit shumë! Disa herë Greqia ju ka lënduar

Këngëtari grek Andonis Remos ka dhënë një koncert mbrëmjen e djeshme në Pallatin e Kongreseve…

LEXO ME SHUME
Categories Kulture

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më të mirë të vitit

Biblioteka Publike “Dritëro Agolli” Fier, pēr të tretin vit radhazi nderon me çmime lexuesit më…

LEXO ME SHUME