Balina Bodinaku ishte edicionin e parë në kolltukun e opinionistes së “Big Brother VIP”. Këtë vit ajo u zëvendësua nga Zhaklin Lekatari. Por, gjithsesi Balina vijon të ndajë opinionet e saj me njerëzit në mediat sociale dhe emisione televizive. E ftuar sot në “Wake Up” ajo komentoi jo vetëm banorët, por edhe Zhaklinën për të cilën u shpreh se nuk ia ka merakun.

“Është pozicion i vështirë. Është kolltuk i vështirë për t’u mbajtur, por Zhakut nuk ia kisha merakun. Është e vështirë të thuash mendimin tënd dhe të kuptosh sa presion ke nga jashtë. Zhaku më ka shkruajtur dhe ka thënë: “Shpresoj të të zëvendësoj denjësisht”.  Duke u ndalur te banorët gazetarja tha se sheh Oltën dhe Luizin si finalistë ndërsa vlerësoi edhe lojën e Efit. Kurse për Kiarën u shpreh se nuk ka një lojë të vetën, por duket sikur Luizi është loja e saj.

“E mendova Oltën si lojtare të fortë. Ajo është një aktore shumë popullore dhe spikaste nga të tjerët. Oltën e shoh në finale, ndoshta edhe fituese. Por nuk më pëlqen që hyri brenda në një mënyrë shumë bërtitëse dhe kjo e ka dëmtuar. Luizi ka disa karakteristika që e bëjnë një lojtar shumë të fortë. Luizi e bën me shumë lehtësi lojën, duke kombinuar talentet e tij, humorin dhe sulmet. Dhe nuk merr asgjë personale. Është i fokusuar. Luizi do të shkojë deri në finale. Kiara nuk po i jep shumë siguri atij. Luizi duhet të shohë lojën e tij tani. Unë e shoh sikur ai çdo gjë që thotë ose bën, nuk është rastësisht. Shikoj një lojë të Kiarës bazuar vetëm tek Luizi, kam filluar të dyshoj nëse ajo ka një lojë të saj. Duket sikur loja e saj është Luizi. Më pëlqen Efi si luan. Ajo luan fort, pavarësisht se është e pozicionuar në grupin e Luizit. Por edhe strategjikisht luan mirë. Ndoshta qëllimi i saj nuk është të fitojë, por ajo luan për veten e saj.

Ndërkohë e vendosur përballë zgjedhje “BBV1” apo “BBV2” ajo zgjodhi sigurisht 1.
“Jam shumë e afeksionuar me shtëpinë e parë. Ka qenë shumë agresiv ky edicion, ndoshta ka ndikuar se kanë qenë akoma të freskët nga “Big Brother” i parë. Më duket loja pak më e centralizuar dhe agresive tani, ndryshe nga vjet.”