Ne kemi shumë veti të ndryshme si individual, që tregojnë shumë për ne. Mund të jetë një veti specifike, si p.sh të i bëjmë gjithmonë të tjerët të qeshim. Apo, disa prej nesh dëshirojmë të i tregojmë të tjerëve se kush jemi, me mënyrën se si vishemi, apo edhe nga muzika që e dëgjojmë.
Sidoqoftë, a keni ditur se në bazë të ngjyrës që ju pëlqeni mund të tregojë shumë gjëra për ju, këtë e thonë psikologët e ngjyrave, raporton “Geeky Camel”.
E kuqja
Është një ngjyrë shumë e njohur, por çfarë thotë ajo për ju? Sipas këtyre psikologëve, personat që pëlqejnë këtë ngjyrë janë persona të hapur dhe të shoqërueshëm dhe më plot vetëbesim. Ju jeni person që kërkoni vëmendje dhe bëni shumë shpejt shoqëri.
E kaltër
Nëse e adhuroni këtë ngjyrë, atëherë ju jeni person i besueshëm. Ju kërkoni shumë kohë që t’i besoni dikujt, por në momentin që ata fitojnë zemrën tek ju, atëherë ata do të kenë një shok/shoqe të vërtet.
E verdhë
Personat që e adhurojnë këtë ngjyrë janë të hareshëm. Jeni persona kreativë, por që e keni problem që këto ide të i ktheni në realitet.
Ngjyrë vjollce
Këta persona janë të mëshirshëm dhe të ndjeshëm, i kuptoni shumë mirë të tjerët dhe gjithmonë i vendosni personat që i doni para vetës.
E zeza
Është e gjitha për prestigj dhe fuqi, për ata që e dashurojnë këtë ngjyrë. Janë persona që mbajnë qëndrim të ftohtë dhe nuk i besojnë gjithkujt. Kjo sepse ata nuk dëshirojnë të lëndohen.
