Nga Elva Margariti
Një histori që duhet treguar. Është historia e një populli në arrati, të përndjekurish që gjetën strehë në një vend të vogël, që u hapi dyert, që i mbrojti, u dha emrat e tyre… Muzeu Kombëtar i Hebrenjve, në Vlorë, bash atje ku një komunitet i gjerë hebrenjsh u shkri me bijtë e detit, do të jetë modeli i një muzeu bashkëkohor, që do të na përfshijë në histori njerëzore, dëshmi, zëra, imazhe.
Këshilli Kombëtar i Muzeve i hapi udhë idesë së Ministrisë së Kulturës dhe Bashkisë së Vlorës, hartuar nga Fondacioni Shqiptaro-Amerikan për Zhvillim- AADF, nën konsulencën e Prof. Barbara Kirshenblatt-Gimblett, për ngritjen e këtij muzeu. Brezat duhet të njohin këtë histori sakrificash, bashkëjetese dhe bese.
