Nisma “Thurje” ka zbuluar kërkesën dhe propozimin e saj për ligjin”Lojërat e fatit në Republikën e Shqipërisë” në Kuvendin e Shqipërisë
“Sot kemi përgatitur një shkresë drejtuar gjithë zinxhirit politik legjislativ, të cilën do ta dorëzojmë pranë parlamentit shqiptar, me një propozim konkret mbi ndryshimin që duhet t’i bëhet ligjit për “Lojërat e fatit në Republikën e Shqipërisë” me qëllim mbylljen e basteve totale, pa lënë asnjë shteg nga ku do të krijoheshin kushte që kjo industri të transferohej nga pikat fizike të basteve tek ajo online”, shkruan Nisma”Thurje” krahas shkresës.
Qëllimi kryesor i kësaj shkrese sipas nismës “Thurje” është fakti që me këtë ligj bastet nuk janë realisht të mbyllura, por krijohet mundësia e krijimit të monopolit në këtë fushë, duke e kaluar te ato online.
“ E para sepse nëse kjo ndodhte atëherë bastet nuk do të quheshin realisht të mbyllura, dhe e dyta që kjo e gjitha do të krijonte kushtet për krijimin e një monopoli në fushën e basteve. Pranimi ose jo i këtij propozimi do të tregojë qartë nëse kjo iniciativë e ndërmarrë nga qeveria është vërtet për zhdukjen e plagës sociale të basteve siç ajo pretendon, apo e gjitha është një inskenim për të përfunduar në një situatë monopol, ku i gjithë tregu do të përfundojë në duart e një kompanie të vetme”, e mbyll postimin Nisma “Thurje”
Shkresa drejtuar Kuvendit:
