Makina elektrike “Opel Corsa-e” e re mori një nga çmimet më të rëndësishme në sektorin gjerman të automobilave, “Timoni i Artë 2020”. “Makina më e shitur në segmentin B në Gjermani është elektrizuese për ekspertët dhe lexuesit e “Auto Bild” dhe “Bild am Sonntag”, si edhe për klientët”, tha drejtori ekzekutiv i “Opel”, Michael Lohscheller.
“Opel” është elektrik dhe “Opel Corsa-e” jonë e ri është prova më e mirë se një makinë elektrike sot mund të jetë jo vetëm dinamike dhe praktike, por edhe e arritshme për të gjithë. Jemi krenarë për mënyrën se si Opel Corsa-e i bindi të gjithë”, shtoi ai. Fituesit iu desh të kapërcente dy pengesa në rrugën e fitores. Së pari, lexuesit e “Auto Bild” dhe “Bild am Sonntag” zgjodhën tre favoritët e tyre për finalen në secilën kategori.
Më pas, një juri gazetarësh, drejtuesish të makinave të garës dhe ekspertësh të automjeteve testuan secilin finalist në pistën Dekra-Lausitzring, duke përdorur kritere të bazuara në metodën e provës “Auto Bild”. Me një total prej 3 218 pikësh, “Opel Corsa-e” e re dominoi konkurrencën në kategorinë “makinat e vogla” përballë “Hyundai i20”
