Një vajzë trevjeçare pothuajse u rrëmbye në mes të ditës të hënën nga një i pastrehë në qytetin e New York-ut. Sipas medieve të huaja, përcjell Telegrafi, pamjet tronditëse tregojnë momentin kur i pastrehu kapi trevjeçaren që po ecte me gjyshen dhe dy vëllezërit e saj në Bronx. Gjithçka ndodhi në një pikë karburanti kur i pastrehu po kalonte aty pari dhe iu afrua atyre. Për një moment, ai kap trevjeçaren dhe fillon të arratiset me shpejtësi, derisa gruaja 65-vjeçare fillon dhe e ndjek nga pas. Gjyshes i dolën në ndihmë një grup anëtarësh të guximshëm të publikut, përfshirë një burrë që po mbushte makinën e tij. Burri e trembi rrëmbyesin që ta lironte vajzën e vogël. /Telegrafi/
Pamjet tregojnë momentin kur një i pastrehë kapi vajzën trevjeçare në tentim për ta rrëmbyer
