Pavarësisht pandemisë së koronavirusit, dhjetëra qytetarë shqiptarë janë kthyer në atdhe për festa, por edhe janë kthyer në vendin fqinj. Autoritetet Portuale Durrës bëjnë me dije se ditën e fundit të vitit që lamë pas kanë hyrë në portin e Durrësit 1,363 udhëtarë nga 2 linja, Bari-Durrës dhe Ankona-Durrës, ndërsa ditën e parë të këtij viti të ri kanë lënë brigjet shqiptare 1,008 udhëtarë dhe 642 mjete.
Datë 31.12.2020, linja ka funksionuar vetëm në hyrje. Me tragetet “Francesca” dhe “Rigel VII” të linjës Bari-Durrës, si dhe trageti “AF Claudia” i linjës Ankona-Durrës, janë përpunuar 1,363 pasagjerë 642 mjete.
Datë 01.01.2021, linja ka funksionuar vetëm në dalje. Drejt Portit të Barit (Itali) kanë lundruar dy tragete, “Francesca” dhe “Rigel VII”, janë përpunuar 1,008 pasagjerë dhe 271 mjete. Datë 02.01.2021, lundrimet kanë vijuar normalisht, pra Durrës-Bari dhe anasjellas dhe janë transferuar 1,318 pasagjerë dhe 397 mjete (1,214 pasagjerë në dalje dhe 104 pasagjerë në hyrje).
