Bebe Rexha, këto ditë është shndërruar në kryetemën e mediave shqiptare. Artistja me origjinë nga Shqipëria, realizoi një vizitë në atdheun e saj të dashur, Shqipëri, për të parë nga afër gjendjen e shqiptarëve pas tërmeteve të fundit që goditën shtetin.
Teksa vazhdon të jetë një prej emrave më të suksesshëm në rrafshin ndërkombëtar, sukseset për Bebe Rexhën duket se nuk kanë të ndalur. Ajo është shumë e ndjekur nga fansat në rrjetet sociale, përmes së cilave ndan çdo herë me ta imazhe të ndryshme nga jeta e saj personale dhe profesionale. Vetëm në rrjetin social Instagram, ajo numëron tashmë plot 10 milionë njerëz që e ndjekin atë. Kjo shifër e arritur duket të jetë një tjetër sukses për këngëtaren shqiptare, e cila ka qenë gjithnjë e hapur për fansat në rrjetet sociale, duke folur hapur edhe për vështirësitë në jetën e saj dhe stigmën që e shoqëron. Ajo bëhet shqiptarja e tretë më e ndjekur në këtë rrjet social, që pasohet nga Rita Ora që renditet e dyta me 15.6 milionë, dhe Dua Lipa e cila është e para me 36.7 milionë njerëz që e ndjekin në Instagram.
