Britania e Madhe ka vendosur së fundmi të mos kërkohet pasaporta e vaksinimit anti- Covid, në hyrjet e klubeve të natës dhe në shumë aktivitete të tjera. Lajmin e ka dhënë sekretari i ministrit të Shëndetësisë në Britani, Sajid Javid.
Sipas tij, qeveria britanike ka marrë këtë vendim për disa kohë, por nëse situata përkeqësohet ai do e rikonsiderojë. “Ne kemi bërë analiza dhe ndonëse duhet të ekzistojë si mundësi potenciale, e them me gëzim se nuk do të çojmë përpara planet për pasaportë të vaksinimit”, tha ai.
Ndërkohë, kujtojmë se Italia dhe Franca e kanë detyrim pasaportën e vaksinimit. Qytetarët e këtyre shteteve u duhet që të paraqesin këtë dokument për të marrë pjesë në një sërë aktivitetesh.
