Ditë më parë Policia e Shtetit në partneritet me agjentë të ambasadës Amerikane, përfunduan me sukses operacionin e koduar “Rruga e Gabuar”, ku në pranga ranë 36 persona të cilët kishin shtrirë aktivitetin në trafikun e klandestinëve.
Midis klandestinëve që ndihmonin, ky grup siguronte dokumente të falsifikuar edhe personat me precedentë të rrezikshëm penalë.
Qëllimi ishte për ti ndihmuar këta persona, për ti shpëtuar drejtësisë vend.
Një nga këto raste është edhe ai i shtetasit Hajri Seferi, pjesë e bandës së Shijakut, një nga personat kyç në trafikun e drogës.
Sipas një shkrimi të botuar në Shqiptarja.com, Hajri Seferi ishte personi që krijonte lidhjet e trafikut të drogës midis bandës së Shijakut dhe bandave të tjera që e transportonin jashtë.
Seferi kishte si bashkëpunëtor një polic, i cili dekonspironte aksionet sa herë ai ishte në rrezik.
Në operacionin “Rruga e Gabuar”, Hajri Seferi del sërish në përgjime.
Elmas Bilbili, oficer policie në pikën kufitare të Kakavijës, i ka krijuar mundësinë Seferit të largohet nga pika kufitare, në këmbim të një shume prej 2 mijë eurosh, pikërisht në momentin kur emri i Bajrit doli në dosjen 339.
Sipas Prokurorisë, shtetasi Dritan Gramozi, ka pajisur me pasaportë false shtetasin Hajri Seferi.
Po kështu ka ndihmuar edhe shumë persona të tjerë të kalojnë nga pika doganore për në kufirin e gjelbërt.
Një nga përgjimet e kapura është edhe ai midis shtetasit Aleksa Kamaj dhe një personi të paindetifikuar, që flasin për një shumë prej 600 eurosh për kalimin e një personi në Janinë
Biseda mes Aleksia Kamajt dhe numrit që përfundon me 394:
Aleksia -Hë ore
394- Dëgjomë
Aleksia -Hë
394- Të lutem sa lekë të ju them unë atyre
Aleksia – Për ku janë ato
394-Deri në Janinë janë ato
Aleksia -600 euro thuaju atyre
394- Kur të vije ato të them unë ty
Aleksia -Po mirë
394-Po unë kam ndonjë kafe
Aleksia -Do të nxjerr diçka se i don ai tjetri, 500 euro për kokë të Reit
394-Po mirë të paktëm
Në një tjetër bisedë të përgjuar, shtetasja Aleksia Kamaj, e cila funksiononte si bazë për rekrutimin personave që donin të kalonin kufirin, kërkon 1500 euro për kalimin e një personi për në Itali.
Biseda mes Aleksia Kamajt dhe numrit që përfundon me 394:
394-Ca bën
Aleksia -Hic tek Lili jam
394-Kam një person për në Itali, sa lek bën
Aleksia -600 euro
394-Ka më pak se ja dhash atij tjetrit
Aleksia -Do 600 euro taksia
394-Tani I çon Lavdoshi
Aleksia -Më pak se 1500 euro ska
394-E mirë flasim D.l3
