Jo vetëm në fushën e futbollit, Gerard Pique dhe Arturo Vidal dinë të fitojnë edhe jashtë saj. Pasi i ndihmuan Barcelonës ta mposhtë bindshëm 5:2 Real Betisin, Pique dhe Vidal gëzuan sukses edhe në turneun e pokerit, duke fituar rreth gjysmë milioni euro.
Ata morën pjesë në turneun “Single-Day high Roller” në një kazino të Barcelonës dhe nuk u kthyen duarthatë. Pique e zuri vendin e dytë në turne dhe i fitoi 352.950 euro, ndërsa Vidal i fitoi 134.460 euro. Në total, dyshja e Barcelonës i fitoi 487.410 euro në këtë turne pokeri. /Gazeta Express/
