Trajneri i Juventusit, Andrea Pirlo, ka konfirmuar se Gonzalo Higuain do të largohet nga ‘Zonja e Vjetër’ këtë verë. Sulmuesi argjentinas është transferuar te Juventus në vitin 2016, dhe ka arritur të fitojë tre tituj të Serie A, teksa ka qenë i huazuar edhe te Milan dhe Chelsea.
Pirlo ka vlerësuar 32 vjeçarin, por pranon se koha e tij në ‘Allianz Stadium’ ka mbaruar.“Kam folur me Higuain. Ai është një person që e admiroj shumë, ka pasur një periudhë të rëndësishme këtu dhe ka qenë një lojtar i madh”, ka deklaruar Pirlo.
“Por ne kemi vendosur që rrugët tona duhet të ndahen. Ai ka qenë një kampion i madh, por ciklet mbarojnë. Ai u la mënjëanë por si person serioz, ne biseduam me njëri tjetrin dhe morëm këtë vendim”.
