Gjarpërinjtë janë ndër krijesat më dinake dhe më të rrezikshme që jetojnë në planetin tonë.
Vlen të theksohet se pjesa dërrmuese e njerëzve tmerrohen nga ky zvarranik i frikshëm, kafshimi i të cilit mund të rezultojë fatal në shumicën e rasteve.
Ata sulmojnë jo vetëm njerëzit, por edhe kafshët e tjera.
Së fundmi, një piton 4 metra i gjatë ka gllabëruar një dhi, që e “vodhi” nga një fermer.
Ngjarja është regjistruar në Provincën Fujian të Kinës Lindore.
Fermeri dhe gruaja e tij konstatuan mungesën e një prej dhive dhe nisën kërkimet, të ndihmuar nga disa bashkëfshatarë të zonës.
Ata e gjetën zvarranikun dinak pranë fshatit Longju pranë fermës ku kishin dhitë e tjera në mal.
Fermeri Yao u shpreh:
“Dhitë tona zhdukeshin vazhdimisht që prej fillimit të këtij viti. Deri tani kemi humbur 20. Dyshoja që i hante diçka dhe e vërtetova kur pashë gjarprin gjigand në malin pranë fermës tonë.”
Fermeri pa që stomaku i pitonit ishte i fryrë dhe lajmëroi policinë.
Ai, së bashku me forcat e policisë e kapën zvarranikun nga bishti dhe qëndruan një orë për ta nxjerrë dhinë 39 kg nga stomaku i tij.
Mediat vendase raportuan se ata e lëshuan më pas pitonin në natyrë.
Pitonët birmanez i përkasin një specie të mbrojtur nga shteti në Kinë, ku dëmtmi ose kapja e tyre është e ndaluar dhe e dënueshme me ligj.
