Grupi i monitorimit kryesuar nga Prefekti i Qarkut Vlorë ka inspektuar Zonën e Triportit Vlorë, ku ka evidentuar problematika të cilat konsistojnë në; vështirësi për daljen e anijeve nga porti pasi hyrja mbushet nga deti duke bllokuar anijet me zhytje 2.5 m, peshkatarët punojnë në kushte të vështira, mungon uji i pijshëm, në ambjent gjenden mbetje të shumta, mungojnë investimet në kalatat e portit për ankorimin e anijeve.
Prefekti i Qarkut Vlorë ka zhvilluar mbledhje me përfaqësues të të gjithë inspektoriateve të cilët në ndjekje të problemit do të zhvillojnë inspektimet gjatë kësaj jave dhe në datë 28 Shkurt do të raportojnë planin e punës në funksion të përmirësimit të situatës!
