Drejtoria e Tatimeve në Tiranë është zhvendosur për të vijuar normalisht punën në godina të reja, pasi të vjetrat u dëmtuan nga tërmeti shkatërrues i 26 nëntorit.
Përmes një njoftimi në rrjetet sociale drejtoria e tatimeve njofton të gjithë tatimpaguesit që administrohen nga DRT Tiranë, se të gjitha shërbimet, përfshirë ato që lidhen me tërheqjen e dokumentacionit tatimor si blloqe faturash, dëftesa tatimore, etj, apo konfirmimin në lidhje me pajisjet fiskale, do të vazhdojnë t’i marrin pranë Drejtorisë së Shërbimit të Tatimpaguesve, në adresën e re që është: Rr. Andrea Kushe, ish fusha e aviacionit, në krah të Pallatit të Drejtësisë.
Kujtojmë se nga tërmeti i 26 nëntorit qindra shtëpi u shembën dhe dëmtuan, por të paprekshme nuk ishin as institucionet. Në mesin e institucioneve shtetërore të dëmtuara ishte dhe godina e tatimeve në Tiranë.
Njoftimi i drejtorisë së tatimeve:
NJOFTIM MBI VENDNDODHJEN E DREJTORISË RAJONALE TATIMORE TIRANË‼️
?Pas dëmtimeve nga tërmeti, Drejtoria Rajonale e Tiranës po vijon punën në mjedise të reja, në ndërtesën me adresë: Rr. Andrea Kushe, ish fusha e aviacionit, në krah të Pallatit të Drejtësisë.
? Linku https://bit.ly/38ëkKas ka edhe orientimin e vendndodhjes përmes hartave google.
?Njoftojmë të gjithë tatimpaguesit që administrohen nga DRT Tiranë, se të gjitha shërbimet, përfshirë ato që lidhen me tërheqjen e dokumentacionit tatimor (blloqe faturash, dëftesa tatimore, etj), apo konfirmimin në lidhje me pajisjet fiskale, do të vazhdojnë t’i marrin pranë Drejtorisë së Shërbimit të Tatimpaguesve, ✅ me adresë Rruga “Nikolla Lena” (përballë shkollës Sabahudin Gabrani), Tiranë.
