Covid 19 ka mbërritur dhe në dyert e gjykatave. Burime bëjnë me dije për Faxweb.al se kanë rezultuar pozitiv me Covid 19 dy gjyqtarë në Kavajë dhe në Durrës, çka ka bërë që këto institucione të mbyllin dyert e tyre për dy javë. Rastet janë zbuluar në Gjykatën e Shkallës së parë në Kavajë, dhe në atë të apelit të Durrësit, të cilat gjenden pranë njëra tjetrës. Në të dyja godinat ka nisur procesi i dezinfektimit, dhe punonjësit janë këshilluar që të qendrojnë në banesë, derisa të bëhet kryerja e tamponit për një pjesë të tyre.
Kujtojmë se Gjykata e Apelit të Durrësit, është transferuar në Kavajë, pasi godina e gjykatës në Durrës pësoi dëme nga tërmeti i 26 Nëntorit. Në të gjithë vendin në 24 orët e fundit janë zbuluar 74 raste të reja me Covid 19, ndërkohë që dy persona kanë humbur jetën. Bëhet fjalë për një 45 vjeçare nga qyteti i Beratit dhe për një 82-vjeçar nga Kruja, të cilët prej disa ditësh kanë qenë të shtruar në spitalin Infektiv.
