Kryetari i PDIU Shpëtim Idrizi nga studioja e “Radarit Informativ” në Abc ka folur për rolin që ka Presidenti i vendit, duke i konsideruar po aq të rëndësishme dhe negociatat mes maxhorancës dhe opozitës për zgjedhjen e tij.
Sipas Idrizit, konsensusi në 3 raundet e para nuk është dëshirë e Ramës, por detyrim.
“Besoj se duhet vlerësuar në radhë të parë dhe duhet kuptuar se ky është moment i rëndësishëm për piramidën e shtetit shqiptar, zgjedhja e presidentit. Ne s’duhet të harrojmë se presidenti është shumë i rëndësishëm ai është kryetari i shtetit, është komandant i forcave të armatosura i këshillit të sigurisë kombëtare etj.
Mbi të gjitha është një institucion shumë i rëndësishëm publik. Sidomos një personalitet që interferon në krizat politikës shqiptare. Edhe kushtetuta e përcakton se zgjedhja e presidentit në 3 raundet e para duhet të zgjidhet me konsensus. Vetëm në 2 raundet e fundit me shumicë të thjeshtë. Ne e kemi detyrim t’i japim vendit president konsensual.
Të gjitha forcat politike t’i japin Shqipërisë një president mbi palët. Po zgjatem për të kuptuar rëndësinë.
