Prodhohet kontraceptivi i parë për meshkuj

Kërkohet aprovimi për nxjerrjen në treg Një kompani farmaceutike indiane ka arritur të prodhojë  kontraceptivë për meshkuj i cili ka rezultuar mjaft të suksesshëm. Sipas specialistëve të fushës, preparati mjekësor nuk ka efekte anësore, por efikasiteti i tij ka një periudhë mbi një dekadë. Kështu që para se ta merrni duhet të bëni mirë llogaritë. Kërkohet aprovimi për prodhim dhe nxjerrjen ne treg të kontraceptivit të parë për meshkuj. Instituti Indian për kërkimin mjekësor ICMR ka përmbyllur me sukses fazën e fundit të testeve klinike për preparatin mjekësor. Kontraceptivi për meshkuj është parashikuar të jetë me injektim dhe nuk kanë rezultuar efekte anësore, ku në përfundim të fazës eksperimentale me 303 vullnetarë, 97.3%  rezultate ishin pozitive. Medikamenti frenon fertilitetin mashkullor dhe është efikas për të paktën 13 vjet. Sipas kërkuesve, ilaçi që frenon shtatzënitë e padëshiruara, është gati tashmë për përdorim të gjerë dhe për këtë arsye kompania ka kërkuar zyrtarisht autoriteteve shtetërore në Indi autorizimin për produktin. Kështu India, nëse do të jepet “Ok” nga Autoriteti i medikamenteve, do të bëhet vendi nga do të nisë tregtimi i  kontraceptivit të parë për meshkuj në botë. Klan Plus