Kryeministri Edi Rama ka njoftuar se kjo do të jetë java e fundit e kufizimeve në kryeqytet. Ai theksoi se kufizimi të shtunën dhe të dielën do vazhdojë edhe dy fundjava të ardhshme dhe më pas nga Tetori deri në Mars, e diela do qëndrojë e mbyllur.  “Kjo do të jetë java e fundit e kufizimeve në Tiranë dhe qytete të tjera. Ndërsaa kufizimi të shtunën dhe të dielën do vazhdojë edhe dy fundjava të ardhshme, për t’u kthyer sërish pas verës. Nga Tetori në Marsin e ardhshëm të dielat minimalisht do të jenë pa makina. Deri në fund të muajit do kemi një strategji për transportin publik”, tha Rama.