Kryeministri Edi Rama ka folur për planin me 5 pika që ka theksuar disa herë Lulzim Basha duke i bërë thirrje që ta zbatojnë për të menaxhuar situatën e pandemisë. Në emisionin ‘Real Story’, Rama thotë se nëse kjo punë mbetet tek pikat e Bashës, kanë marrë fund të gjithë. “Nëse ngeli kjo punë për pikat e Lulit, kemi marrë fund të gjithë. Opozita në vendet e tjera shohin dinamikat, japin përgjigjje konsultive por nuk kam parë që të dalin e të thonë se spitalet janë në kolaps, njerëzit janë të shtrirë në dysheme. Askush nuk e di sot se kur mbaron kjo. Natyrisht që në momentin e parë kur fillon lufta, ke kapacitete dhe më shumë se ato që vë ë dispozicion, por nëse do kishim bërë cfarë thonin ata, do kishim mbetur pa asgjë. Qeveria ka meritën se këtë vend e ka mbajtur në ekuilibër”, tha Rama.(A.M/Faxweb.al)
Categories
Politike
