Ulja e Zinedine Zidane në stol kthen trofetë te Reali i Madridit.
Klubi “Los Blancos” mposhti pas goditjeve të 11 metërshave rivalët e përjetshëm të qytetit, Atletico Madridit. Nga “ruleta ruse”, kampionët e Europës në vitin 2018 u treguan më të ftohtë, duke shënuar me anë të Carvajal, Rodrygo, Modric dhe Sergio Ramos.
Ndërkohë që shtylla e Saul dhe ndërhyrja e saktë e Courtois në penalltinë e Thomas e ktheu Realin te titujt. Kjo ishte hera e 11-të që Reali fiton Superkupën e Spanjës, në 16 finale të luajtura.
Ndërkaq, Atletico, pavarësisht se e mbylli me 1 futbollist më shumë 120 minutëshin, nuk mundi të rikthehet te titulli që i mungon prej vitit 2014.
