Parlamenti italian miratoi dërgesat e armëve në Ukrainë, deklaroi kryeministri Mario Draghi në një intervistë për gazetën ”Corriere della Sera”.
“Vendimi për dërgimin e armëve është marrë në parlament pothuajse unanimisht. Kushtet e çështjes janë të qarta, nga njëra anë janë njerëzit që u sulmuan, nga ana tjetër ushtria e agresorit”, theksoi Draghi.
”Sanksionet kundër Rusisë janë të nevojshme për të dobësuar agresorin. Ukrainasit duhet të ndihmohen drejtpërdrejt me armë”, shtoi ai.
“Të mos bësh këtë do të ishte e barabartë si t’u thoshe atyre që dorëzohuni, pranoni skllavërinë dhe nënshtrimin që shkon kundër vlerave tona evropiane të solidaritetit. Në vend të kësaj, ne duam të lejojmë ukrainasit të mbrohen”, theksoi Draghi.
Draghi pranoi se në fillim mendonte se Rusia do të arrinte një fitore të shpejtë, por tani “nuk ka asnjë shenjë se populli ukrainas do të jetë në gjendje të pranojë pushtimin rus”./ /os/atsh
