Kreu i një bande të rrezikshme të krimit të organizuar që rrëmbeu dhe torturoi iktimat e saj me thika dhe ujë të nxehtë në këmbim të parave të gatshme dhe bizhuterive të shtrenjta është dënuar me 25 vjet burg.
Një nga viktimat të 27-vjeçarit Fortune Lawson, Mohamed Saroya, u rrëmbye jashtë shtëpisë së tij në Londër në nëntor 2018 pasi u pa me një orë Rolex në dorë në një fotografi të Snapchat dhe u josh për kanabis. Viktima u terrorizua për tetë orë duke përfshirë edhe goditjen me thikë të shumëfishtë, me ujë të nxehtë me sheqer të derdhur në bark dhe ijë, dëgjoi të premten Gjykata e Cardiff Crown.
Saroya u detyrua të thërriste anëtarët e familjes për të dhënë paratë dhe Rolexin për t’u dorëzuar përpara se të lirohej. Gjykata dëgjoi se ai u gjet nga kushëriri dhe vëllai i tij në një park makinash afër stacionit hekurudhor Kenton, por ai nuk mundi të hipte në makinë për shkak të lëndimeve të tij “të tmerrshme”. Në dhjetor 2020, Lawson goditi sërish, duke rrëmbyer një tjetër viktimë, shqiptarin Ledio Ibrahimi me pretendimin se do pinin kanabis së bashku.
Në vend të kësaj, ai e çoi atë në një banesë në qytet dhe e futi në ujë, e rrahu dhe e kërcënoi me armë dhe thika dhe një “qen sulmues”. Ibrahimi u detyrua të telefononte një mik për të dorëzuar 50,000 £, por miku thirri policinë e Uellsit të Jugut për të raportuar një “situatë për jetë a vdekje” dhe pa e ditur rrëmbyesin. Viktima u dërgua në një fortesë tjetër në Hertfordshire, ku kalvari i tmerrshëm vazhdoi përpara se të shpëtohej përfundimisht nga policia e armatosur, të cilët e gjetën atë me lidhëse kabllosh në kyçet e dorës “duke u tundur dhe duke qarë”.
Dëshmitë e ADN-së të marra nga gjaku i gjetur në banesën e të akuzuarit e shtynë policinë të identifikonte një viktimë tjetër, Halim Vladi, i cili gjithashtu ishte mbajtur kundër vullnetit të tij dhe ishte sulmuar vazhdimisht në të njëjtën adresë. Tetë anëtarë të tjerë të bandës – të gjithë të përfshirë në të paktën një nga tre komplotet – u dënuan gjithashtu të premten në të njëjtën gjykatë.
Tetë anëtarë të tjerë të bandës, të gjithë të përfshirë në të paktën një deri në tre herë në rrëmbime dhe komplote u dënuan gjithashtu nga e njëjta gjykatë. Davood Assadpour, 33 vjeç dhe Micaiah Marley, 30 vjeç, u burgosën me 15 vjet; 27 -vjeçarët Arnold Fumemeya dhe Alexis Mutesa me 13 vjet; Gideon Lawson, 24 vjeç, me 12 vjet burg; Ahmed Omar, 29 vjeç, me 9 vjet; Stephen Isaac, 66 vjeç, me 6 vjet; dhe Denis Delishaj, 34 vjeç, me 8 vjet burg, shkruan Indipendent.
Gjykata dëgjoi se Denis Delishaj me origjinë shqiptare, luajti një “rol të rëndësishëm” në shantazhimin e Ledio Ibrahimit, por ndërsa ai nuk ishte pjesë e rrëmbimit apo torturës, ai ishte “në anën tjetër të telefonit” dhe teksa ndodhte dhuna përkthente fjalët e viktimës kundrejt shpërblimit.
Armët e përdorura nga banda
