Shpërthen transformatori i tensionit të lartë në kilometrin e dytë të autostradës Tiranë-Durrës. Raportohet se kanë mbetur të plagosur rëndë 3 punonjës, të cilët janë dërguar në spital për ndihmë mjekësore. Ngjarja ndodhi rreth orës 12:00 në afërsi të një objekti në rekonstruksion.
“Transformatori elektrik shpërtheu si pasojë e një shkëndije elektrike. Nga shpërthimi mbetën të dëmtuar 3 punonjësit e këtij objekti shtetasit me iniciale GJ. S., S. Ç., dhe F. Ç., të cilët u dërguan në spital për ndihmë mjekësore,”-raporton policia. Në vendngjarje kanë shkuar 5 ambulanca. Grupi hetimor ndodhet në vendngjarje dhe po vijon punën për sqarimin e mëtejshëm të rrethanave të ngjarjes.
