Shqipëria tashmë është kthyer në një vend turistik me potencial si kulturor po ashtu dhe për shkak të prodhimeve të veçanta bio dhe autentike.
Vendi ynë njihet për kulinarinë e shumëllojshme dhe mjaft të shijshme dhe është kjo një nga pikat tona të forta ku çdo turistë që na viziton e vë re dhe e spikat si një nga gjerat e veçanta.
”Shqipëria ishte pjesë e Kongresit Botëror të Turizmit të Aventurës, në Toskanë. Sportet në natyrë, turizmi i aventurës, Shqipëria potencial për turizëm gjithëvjetor! Më shumë punësim për të rinjtë e zonave rurale, më pranë sfidës 10 milion turistë.Çaj mali dhe mjalt gështenjte, dhurata për 800 delegatët e industrisë së turizmit të aventurës, për të njohur markën turistike 100% shqiptare”, është shprehur ministri i Turizmit dhe Mjedisit, Blendi Klosi duke ndarë këtë lajm të rëndësishëm për vendin tonë.
Prodhimet bio në vendin tonë janë promoja më e mirë pasi për këto prodhime ka interes dhe tregu i jashtëm.Shqipëria është kthyer në një faktor turistik gjithë përfshirës që nga turizmi kulturor,natyror e deri tek ai i kulinarisë ose ndryshe agroturizëm./atsh
