Categories Lajme

Si u “fundos” nga pamjet filmike drejtori i kufirit në Korçë

Kryekomisari Stiljan Pasho, me detyrë shef i Sektorit të Kufirit në Korçë është përjashtuar nga Policia e Shtetit, pasi u ndalua dy ditë më parë nga Agjencia e Mbikëqyrjes Policore, me akuzën e përfshirjes në trafik droge.

Në komunikatën e së enjtes thuhej se kryekomisari me veprime konkrete dhe të drejtpërdrejta, duke shfrytëzuar pozicionin e tij, në intervale të ndryshme kohore dhe së fundmi, në datë 27.11.2023 ka favorizuar shtetasin me iniciale L.L., të kalojë kufirin në Kapshticë pa iu nënshtruar kontrollit kufitar në automjet, si dhe ka urdhëruar vartësit e tij për mos kryerjen e kontrollit të mjetit.

Shtetasi i cili u favorizua nga Pasho, u kap nga autoritetet greke me 26 kilogramë lëndë narkotike në automjet. Masën e përjashtimit, Policia e Shtetit e lajmëroi dje me anë të një njoftimi zyrtar, ndërkohë që pamjet e kamerave në pikën kufitare kanë fundosur kryepolicin kufitar.

Mjeti i trafikantit të drogës duket teksa kalon e pa ndaluar fare për kontroll, ndërkohë që policia fokusohet te një mjet tjetër që po kalonte në pikën doganore.

NJOFTIMI I PËRJASHTIMIT:

Përjashtohet nga Policia e Shtetit kryekomisar Stiljan Pasho. Drejtoria e Standardeve Profesionale në Policinë e Shtetit, pas hetimeve paraprake të kryera, i ka propozuar Drejtorit të Përgjithshëm të Policisë së Shtetit, i cili e ka miratuar menjëherë, përjashtimin e punonjësit të Policisë, kryekomisar Stiljan Pasho, me detyrë Shef i Sektorit të Kufirit, në Drejtorinë Vendore për Kufirin dhe Migracionin Korçë.

Përjashtimi i menjëhershëm i tij u bë për shkelje të rëndë disiplinore të rregullores së Policisë së Shtetit, parashikuar nga neni 208 “Rastet e veprimeve korruptive”, pika 3 “Përdor pozitën e tij si punonjës i Policisë, për interesa private për vete ose për të tjerët’”, dhe nga neni 209 “Shkelja e rëndë e atributeve/kompetencave të Policisë”, pika 1 “Pa ndonjë arsye bindëse, nuk i përmbush apo dështon në përmbushjen e detyrave dhe përgjegjësive të caktuara, të cilat kanë shkaktuar pasoja të rënda në kryerjen e detyrave”.

Më datë 30.11.2023, Drejtoria Rajonale e AMP-së Elbasan-Korçë ndaloi punonjësin e Policisë Kryekomisar Stiljan Pasho, në kuadër të një procedimi penal të referuar nga Sektori i AMP-së, Korçë, për veprën “Trafikim i narkotikëve”.

Konkretisht, nga hetimet rezulton se Kryekomisar Stiljan Pasho, me veprime konkrete dhe të drejtpërdrejta, si dhe duke përdorur detyrën e tij ne DVKM Korçë, në intervale të ndryshme, ka ndihmuar shtetasin L. L., të kalojë kufirin në PKK Kapshticë, pa iu nënshtruar kontrollit kufitar në automjetin e tij, dhe ka urdhëruar dhe vartësit e tij që të mos ushtrojnë kontroll.

Policia e Shteti mbetet e vendosur që në bashkëpunim me agjencitë ligjzbatuese dhe me qytetarët, të largojë nga radhët e saj, cilindo punonjës policie që abuzon me detyrën apo përfshihet në veprimtari kriminale.

Leave a Reply

Your email address will not be published. Required fields are marked *

Lexoni Gjithashtu

Categories Lajme

Gjykata vendosi burg me afat për Armando Sulejmanin/ Zbardhet dëshmia…

Gjykata e Durrësit ka vendosur masën arrest me burg për 2 muaj për Armando Sulejmanin,…

LEXO ME SHUME
Categories Lajme

Tiranë/ I shpallur në kërkim, arrestohet 40-vjeçari

Ditën e sotme, në rrugën “Jordan Misja”, forcat e policisë kanë arrestuar shtetasin Kledist Hysa,…

LEXO ME SHUME
Categories Lajme

Zbardhet ngjarja në Don Bosko/ Kasandër Noga dyshohet se dha urdhër për vrasje, por autorët ngatërruan objektivin

Drejtori i Policisë Tiranë Tonin Vocaj ka zbardhur detaje për një ngjarje e rëndë kriminale,…

LEXO ME SHUME
Categories Lajme

“Zgjidhja nuk ishte vrasja”, sociologu për ngjarjen në Durrës: Familja shqiptare është zhytur thellë në kriminalitet

Sociologu, Gëzim Tushi, ka komentuar ngjarjen e rëndë që u raportua mëngjesin e kësaj të premte në…

LEXO ME SHUME
Categories Lajme

Zbardhet dëshmia e djalit që vrau babanë: I thashë çohu dhe e qëllova katër herë me pistoletë

Është zbardhur dëshmia e djalit të madh të familjes Meta, Hyseni, i cili vrau babanë…

LEXO ME SHUME