Mikel Arteta është trajneri i ri i Arsenalit. Ish mesfushori mori drejtimin e klubit ku u bë i famshëm pas shkarkimit të Unai Emery, vendim që erdhi pas rezultateve aspak të mira të “topçinjve”. Por, asistenti i Pep Guardiolës te Manchester City nuk është trajneri ideal për profilin që kërkojnë te Arsenal.

Një fakt që ka detyruar drejtuesit të kërkojnë një tjetër trajner. Zërat janë të shumtë, por “The Athletic” zbulon se emri më i dëshiruar në kryeqytetin britanik, Londër është ai i ish menaxherit të Juventusit, Massimiliano Allegri.

Italiani ishte shumë pranë firmës me londinezët edhe në vitin e shkuar, por kushtet e vendosura prej tij nuk bindën drejtuesit t’i ofrojnë një kontratë. Sidoqoftë, situata aktuale duket se ka “shkrirë” akullin mes palëve dhe Arsenal është hedhur në sulm për të ulur Allegrin në stol.