Rreth 24 milionë dollarë janë shpenzuar nga buxheti i shtetit gjatë vitit 2020 për subvencionimin e energjisë elektrike për pensionistët.
Pas vendimit për heqjen e fashës 300 Kwh në faturimin e energjisë elektrike në vitin 2015, qeveria miratoi një tjetër vendim, nga i cili përfitojnë subvencionim të energjisë elektrike disa kategori familjesh, ku përfshihen edhe pensionistët.
Gjatë vitit 2020 përfituan subvencionim 154 mijë familje në të gjithë vendin.
Ndërkohë subvencionimi i energjisë elektrike për pensionistët dhe familjet në nevojë do të vijojë edhe në vitin 2021. Ndërkohë qeveria miratoi pak ditë më parë edhe një bonus prej 5 mijë lekësh në prag të festave për çdo pensionist.
