Zbatimi i protokollit për parandalimin e përhapjes së coronavirusit në markete, supermarkete dhe dyqaneve ushqimore duket se po has probleme. Kamerat e emsionit “BOOM” tregojnë se në pjesën më të madhe të tyre punonjësit nuk mbajnë maskat, dorezat mbrojtëse, nuk dezinfektojnë duart, apo nuk kanë vendosur xhamin ndarës mes punonjësit e klientit.

Vetë protokollin e shkel gjatë ushtrimit të kontrolleve edhe kryeinspektorja e Inspektoratit të Shtetëror Shëndetësor e cila në disa raste shfaqet pa maskë e doreza mbrojtëse.

Teksa institucionet po kontrollojnë bizneset, për shkak të moszbatimit të protokollit të parandalimit të covid 19 , Qendra Spitalore Universitare Nënë Tereza është kthyer në një vatër të nxehtë të përhapjes së koronavirusit. Neglizhencën në zbatimin e protokollit e ka pranuar edhe shefi i laboratorit të mikrobiologjisë në QSUT, Andi Koraqi.