Nuk dihet akoma a e gjeti apo ia mori, por dihet qe kur beri pazar për kthimin e maces tek pronarja, kjo bisede i kushtoi shtrenjte. Mediat fqinje raportojnë se shqiptarja 54 vjecare, emri i të cilës nuk është bërë i ditur është arrestuar, pas denoncimit të bërë nga një rumune, banuese në Itali.
Asaj i kishte humbur macja dhe kishte vënë njoftime kudo nëpër zonë, madje edhe në rrjetet sociale për ndihmë, duke lënë edhe numrat e vet të kontaktit. Shqiptarja e kishte gjetur macen dhe e ka kontaktuar atë në Whatsapp, duke i thënë se ia jepte macen në këmbim të 1 mijë eurove. Pas shumë mesazhesh mes tyre, kanë rënë dakord për një shumë prej 300 eurosh. Por ndërkohë pronarja e kishte bërë denoncimin, dhe në momentin e këmbimit policia i ka vënë prangat shqiptares.
