Me taksimin e sheshtë një mësues do të paguante më shumë sesa paguan aktualisht me taksën progresive. Kryeministri Edi Rama i është drejtuar me një pyetje ndjekësve të tij në instastory në rrjetin social Instagram, në rubrikën “100 arritje në 4 vite” në lidhje me detyrimet që duhet të paguajë një mësues sipas taksimit progresiv dhe atij të sheshtë.
“Me taksën e sheshtë 10%, çdo mësues do të paguante mesatarisht 7.555 lekë në muaj. Sa paguan sot një mësues me taksën e drejtë progresive?, -pyet Rama. Në storyn pasardhës publikohet edhe përgjigjja, ku me taksën progresive sot një mësues paguan 5.921 lekë në muaj. “Me taksën e drejtë progresive çdo mësues paguan mbrapsht 22% më pak sesa me taksën e sheshtë, duke fituar 19, 602 lekë në vit”, shprehet Rama.
