“Policia e Shteti ka bërë punë e saj për të liruar një institucion të zaptuar prej 2 vite e gjysmë”, tha Kryeministri Edi Rama në një intervistë televizive duke folur për shembjen e Teatrit Kombëtar. Rama tha se institucioni ishte zaptuar dhe policia e zbrazi.
Në lidhje me pyetjen për dhunë të policisë ndaj protestuesve gjatë shembjes së Teatrit Kombëtar, Kryeministri Edi Rama u shpreh: “Çfarë dhune ke parë në zbrazjen e teatrit, dhe si mendon se mund të zbrazet një institucion i zaptuar prej dy vitesh e gjysmë nga policia e shtetit me buzëqeshje, me përqafime?”
“Absolutisht të gjitha ato që keni parë ju nuk hyjnë në kornizën e dhunës, por të punës së Policisë së Shtetit. Çfarë mendoni se duhet të bëjë policia kur tërheqin zvarrë një pengesë, një kangjellë atje? Çfarë do të bëjë policia kur i thotë një zaptuesi të institucionit që dil, dhe ata nuk dalin?” – tha ai.