Kompania “Realme” ka shpalosur telefonin e ri, të quajtur GT Neo5, i cili përmban aftësi të avancuara të mbushjes së shpejtë të baterisë, shkruan TechnoNews.

Realme GT Neo5 është telefoni i parë i mençur në botë që zbaton mbështetje për karikim të shpejtë prej 240W, që është aktualisht fuqia më e lartë e mbushjes me energji në industri.

Telefoni do të dalë në shitje në Kinë dhe është njoftuar se shpejtësia e mbushjes do të arrijë në të gjithë botën me modelin e ardhshëm – Realme GT 3.

GT Neo5 sjell tri teknologji mbushjeje të para në industri: arkitekturën e mbushjes së shpejtë 240 W, kabllon e parë të karikimit me porosi 12A dhe mini-karikuesin e parë të dyfishtë GaN 240W në botë.

Telefoni ofron më shumë se 80% kapacitet të baterisë pas 1600 cikleve të mbushjes, që është dyfishi i standardit të industrisë.

Përveç mbushjes së shpejtë, GT Neo5 ka gjithashtu një sistem ndriçimi transparent RGB në pjesën e pasme. Nëpërmjet dritares transparente, përdoruesit mund të shohin pllakën metalike të çipave me dizajn të personalizuar logoje.