Autoritetet doganore turke kanë sekuestruar plot 1.2 ton hashash në një operacion antidrogë në kufi me Greqinë. Në pranga përfunduan 3 persona, mes tyre edhe një shqiptar.
Në një deklaratë për mediat, Ministria turke e Tregtisë tha se droga u gjet në një trajler që transportonte fara soje në kufirin e Ipsala, në provincën veriperëndimore të Edirne.
Oficerët e policisë kryen kontroll pas një informacioni të marrë në rrugë operative. Ata zbuluan 152 thasë, secili me peshë 10 kilogramë të fshehura mes thasëve të mbushur me fara soje.
Sipas Ministrisë, kjo është sasia më e madhe e drogës e kapur ndonjëherë në kufirin turk, në një operacion të vetëm.
Autoritetet arrestuan shoferin e trajlerit, i cili mësohet se është shqiptar, megjithatë identiteti i tij nuk bëhet i ditur. Bashkë me të, përfunduan në pranga edhe dy persona të tjerë, për të cilët nuk jepet detaje rreth identitetit apo kombësisë.
