Një bombë ka shpërthyer në një rrugë afër Piramidave në Egjipt teksa aty po kalonte një autobus me turistë.
Lajmi bëhet i ditur nga Ministria egjiptiane e Punëve të Brendshme, sipas të cilës shpërthimi u ka marrë jetën të paktën 2 personave dhe ka plagosur 12 të tjerë.
Sipas medias, bomba ishte fshehur pas një muri dhe shpërtheu në momentin që aty po kalonte autobusi me turistë nga Vietnami.
Në mesin e të plagosurve janë edhe dy egjiptianë, përfshirë shoferin e autobusit.
Kjo ngjarje përbën një goditje për turizmin, i cili përbën një pjesë të rëndësishme të ekonomisë egjiptiane.
