Ylli i PSG-së, Kylian Mbappe, vazhdon dita-ditës të vendosë rekorde të pabesueshme në Francë. Talenti i parisienëve është që tani një ndër lojtarët më të mirë në botë dhe shumë e shohin si futbollistin që do të dominojë botën e futbollit vitet e ardhshme, pasi Messi dhe Ronaldo të dalin në pension.
Por kjo gjë nuk e ka ndaluar aspak Mbappen, i cili duket se nuk ka ndërmend të presë dhe ka filluar që tani të bëjë paraqitje të shkëlqyera dhe të ndërtojë një rekord statistikash të shkëlqyera. Që një lojtar të jetë shumë i rëndësishëm për një klub, atëherë duhet të luajë mirë në transfertë, aty ku ndeshjet janë më të vështira.
Pikërisht në transfertë, Mbappe është një lojtar kyç për PSG-në dhe këtë gjë, e tregojnë dhe statistikat e tij. Në 100 ndeshje në transfertë për PSG-në dhe Francë, Mbappe ka shënuar 55 gola dhe ka asistuar 29 herë. Fenomenal!/abcnews.al
