Rastet e vjedhjeve dhe sjelljeve te papërgjeshme janë një fenomen shqetësues dhe që janë shtuar shumë kohët e fundit. Një denoncim i tillë ka ardhur në redaksinë JOQ Albania ku një person pretendon se i është shkaktuar dëm. Bëhet fjalë vjedhjen e një skuteri elektrik në kryeqytet, më datë 2 korrik në orën 19:30 në një dyqan në afërsi të zonës “Vasil Shanto”.
Siç shihet edhe nga pamjet filmike të kapura nga kamera e sigurisë, janë tri vajza adoleshente që kanë kryer vjedhjen, ndërkohë që denoncuesi thotë se i ka identifikuar ato dhe ka bërë kallëzim penal. Në video shihet pikërisht momenti kur vajza me bluzë të kuqe merr skuterin dhe largohen në drejtim të urës “Vasil Shanto”.
