Lirohet se Armand Mamani, ish- Drejtori i Agjencisë së Trajtimit Social dhe ish-kryetari i degës së LSI në Gjirokastër, i cili u arrestua dy ditë më parë pasi akuzohet për shpërdorim detyre. Mamani është lënë nën masën e sigurisë ‘detyrim paraqitje’ nga gjyqtarja Blera Çibuku e cila ka pranuar kërkesën e prokurorit Sajmir Bahiti.
Mamani u arrestua në flagrancë pasi një subjekt privat u zbulua nga kontrollorët e OSHEE dje teksa ishte duke shfrytëzuar energji elektrike nga godina e Drejtorisë së Agjencisë së Trajtimit Social që ndodhet në Pazarin Karakteristik. Pronarja e këtij subjekti privat L.B, 40-vjeç, është arrestuar nga policia dhe ka dhënë shpjegime qe energjinë e merrte me lejen e Armand Mamanit.
Armand Mamani ka qenë kryetar i degës së LSI para dy vitesh në Gjirokastër. Ai është shkarkuar edhe nga posti që mbante më parë në vitin 2015 si drejtor i spitalit të Gjirokastrës.
Në atë kohë ai akuzohej për abuzime me detyrë dhe u shkarkua pas një kontrolli nga Ministria e Shëndetësisë.
