Kryetari i bashkisë Kukës Safet Gjici njoftoi sot se punonjësit e bashkisë kanë nisur punën për rehabilitimin e rrugës Lapaj-Fshat të dëmtuar nga reshjet e shiut.
Gjici shprehet se bashkia Kukës vazhdon të mirëmbajë rrugët urbane të qytetit dhe Njësive Administrative. “Heronjtë e vërtetë janë ata që dinë të punojnë dhe e duan punën. Ne kemi shumë të tillë dhe përparësia e tyre janë qytetarët. Jemi në rrugën Lapaj-Fshat ku po rehabilitojmë rrugën e dëmtuar nga reshjet e denduara të shiut. Të gjithë bashkë mund ta bëjmë Kukësin”, shprehet ai.
Nga reshjet e shiut ditët e fundit rruga në Lapaj-Fshat pësoi dëmtime për shkak të rrëshqitjeve të dheut dhe të gurëve nga shpati i malit. Sot punonjësit e bashkisë nisën pastrimi dhe rehabilitimin e saj për të lehtësuar lëvizjen e qytetarëve dhe mjeteve.
