Pas lajmit të infektimit të tij me koronavirus që u përhap me shpejtësi në të gjitha mediat botërore sportive, sulmuesi i Romës,Edin Dzeko, është duke kaluar karantinën në shtëpinë e tij në Romë.
Sipas përllogaritjeve, Dzeko humbet ndeshjet në kampionat me Genoan dhe Parmën, por mund të kthehet për sfidën e kthimit në Europa League me CFR Cluj, sigurisht nëse do ketë dalë negativ.
Në videon që po bën xhiron e rrjetit, bomberi boshnjak është i vetë-izoluar në një dhomë të “tejdukshme”, ku shfaqet duke u argëtuar me fëmijët e tij dhe ata po përshëndetin gjigandin e Romës nga prapa xhamit, për të mos e marrë dhe ata virusin.
