Një zbulues metalesh la një unazë ari në garazhin e tij për 40 vite pasi një muze i tha se ishte e pavlefshme, derisa zbuloi se ishte një ‘thesar’ me vlerë 10,000 paund. Tom Clark e gjeti unazën në vitin 1979 teksa kërkonte në një tokë bujqësore pranë, Aylesbury, në Buckinghamshire. Pa kuptuar vlerën e tij të vërtetë, 81-vjeçari e vendosi unazën brenda një kallaji metalik në garazhin e tij, ku mbeti e harruar për dekada.
Por Clark u përball sërish me unazën 8 vite më parë kur vdiq nëna e tij, ndërsa po sistemonte në garazh sendet e saj. Ai e studioj sendin dhe u mahnit kur zbuloi se ishte në të vërtetë një artefakt mesjetar 670-vjeçar, që daton nga viti 1350. Unaza do të dalë në ankand në Derbyshire të martën (27 Gusht) dhe pritet të shitet rreth 8.500-10.000. “E kisha harruar plotësisht. Në atë kohë kisha vetëm 10 vite që merresha me zbulimin e metaleve dhe nuk e kuptova që unaza ishte e veçantë,”-tha 81-vjeçari.
Në atë kohë ai e dërgoi unazën e rrallë së bashku me disa sende të tjera në muze për t’i vlerësuar por i thanë që nuk kishte vlerë. Clark, tani një koleksionist shumë më me përvojë, kur gjeti sërish unazën e kuptoi menjëherë që ishte një unazë vulë, e cila datonte në vitet 1300 dhe se i përkiste ndonjë personi të rëndësishëm duke pasur parasysh dekorimin dhe cilësinë e saj.
“Është e rrallë dhe elegante. Do të doja të dija se kujt i përkiste,”-shtoi i ai.Unaza mban edhe një mbishkrim latin “(NVNCIE.VERA.TEGO) që përkthehet: “Unë fsheh mesazhin e vërtetë.”
