Uragani Ida ka alarmuar banorët përgjatë bregut të shtetit të Luzianës. Qeveria ka paralajmëruar banorët që të evakuuohen, pasi shpejtësia me të cilën uragani po vjen, mund të jetë fatal. Sipas meteorologëve, uragani pritet të sjellë erëra deri në 225 km/ orë.
Ndërkohë, kryebashkiakja e Nju Orlines urdhëroi një evakuim të detyrueshëm për zonat jashtë sistemit të argjinaturave mbrojtëse të qytetit dhe një evakuim vullnetar për banorët brenda sistemit.
Por meqenëse stuhia u përshkallëzua shpejt në intensitet, kryebashkiakja LaToya Cantrell tha se nuk ishte e mundur të urdhëronte një evakuim të detyrueshëm për të gjithë qytetin, i cili do të kërkonte përdorimin e të gjitha korsive të disa autostradave për t’u larguar nga qyteti.
Po ashtu edhe presidenti amerikan Joe Biden beri thirrje për evakuime vullnetare dhe të detyrueshme për qytetet dhe komunitetet në të gjithë rajonin duke thënë te shtunën se ka folur me guvernatorët e shteteve në rajonin e Gjirit të Meksikës dhe ka koordinuar veprimet me kompanitë e energjisë në përgatitje për Uraganin Ida, stuhia e fuqishme që pritet të arrijë tokën në orët e vona të së dielës./BW
