Ambasadorja e Kosovës në Shtetet e Bashkuara të Amerikës, Vlora Çitaku ka shprehur falënderimin e saj për dhurimin e një sasie vaksinash anti Covid nga Shqipëria për bluzat e bardha të spitalit COVID në Prishtinë. “Shqipëri, tu rritë nderi! Faleminderit nga zemra”, shprehet Çitaku.
Lajmin e mirë e dha sot kryeministri Edi Rama i cili ndau me qytetarët sigurimin e 500 mijë dozave të para të vaksinës antiCovid nga kompania Pfizer, një pjesë e të cilave do të dhurohen për Kosovën. “Ne nuk do ia kthejmë shpinën Kosovës duke e lenë në pritjen dhe në ankthin torturues të fillimit të vaksinimit”, theksoi Rama.
